Dilimizin adı ilə bağlı 1840-ci ilə aid bir bəlgə

Dilimizin adı ilə bağlı 1840-ci ilə aid bir bəlgə

1840-cı ildə Rusiya İmperiyasının Daxili İşlər Nazirliyinin statistika şöbəsi tərəfindən Güney Qafqaz, o cümlədən müasir Azərbaycana dair bir kitab çap edilmişdir. Öncəliklə onu qeyd edəlim ki, həmin dövrdə Rusiyada rəsmi olaraq bütün Türkləri "Tatar" adlandırırdılar, o cümlədən Azərbaycan Türklərinə Ruslar "Qafqaz Tatarları" deyirdilər. Gələlim bizim kitaba. Bu kitabda Azərbaycan əhalisinin özünün özünü, dilini necə adlandırması ilə bağlı önəmli bir qeyd var. Onu sizə tərcümədə təqdim edirəm:
«Tatarlar və Tatar dili ifadələri həqiqətən də bizim Tatar adlandırdığımız xalqlara məlum deyil; Onlar özləri öz dillərinə TÜRK DİLİ deyirlər. Bu ümumi bir ləhcədir və onunla Çindən Qazanadək, Qrımadək, buradansa Mərakeşə və Məkkədən Hindistanadək getmək olar, eynilə Fransızca ilə bütün Avropanı gəzə biləcəyiniz kimi»
___________________________________________________
"Qafqazötəsi Rusiya torpaqlarına nəzər kitabına dair bəzi qeydlər", 1840-cı il, Peterburq.
C-ATB